L'Università di Corsica pruponi attività culturali è spurtivi propiu diversificati pà parmetta à i studianti di sviluppà a vita dopu à i cursi : cuncerta, teatru, cunfarenzi, scontri spurtivi, ecc. In più, ani missu in anda u CROUS è l’Università un dispusitivu di mutualizazioni di i mezi pà dinamizà a vita assuciativa è l’animazioni di i campus : a Casa di u Studianti, AG di l’associa, furmazioni, pirmanenza, prucessa di valutazioni di i prughjetta, ecc. Sò favurizati l’iniziativi parsunali o assuciativi è poni essa finanzati da l'Università ; sò ricunnisciuti com’è una vera cumpitenza, valurizata in u parcursu universitariu di u studianti.
L'Università di Corsica si primurighja sempri di più di u cuttidianu di i studianti, è ùn si ferma mai di migliurà i cundizioni di vita à nantu à i campus universitarii, incù :
- trena di gratisi pà via di un partinariatu incù i Camini di Farru di a Corsica è a Cullittività Tarrituriali di Corsica ;
- riduzzioni incù i cumerci curtinesi ;
- prezza attrattivi pà l'accessu à a cultura ;
- a medicina priventiva è a cellula handicap : privenzioni è presa in cariga ;
- u cullittivu studiantinu « Aiutu Studientinu » è a so buttega sulidaria ;
- sfarenti aiuti pà via di u CROUS è di a CTC