Festa di a lingua corsa 2022 à l'INSPE

Quist'annu, i studienti di master MEEF 1u gradu bislingu anu creatu percorsi pedagogichi immersivi à destinazione di l'elevi di ciculu 3. Anu da mette, i CM2 di e scole di Calacuccia è di Sandreschi, in immersione linguistica à traversu à un ghjocu di pista chì li ferà scopre u patrimoniu curtinese.

U scopu hè di mubbilizà e cumpetenze linguaghjaghje di capiscitura è spressione urale postu chì li tuccherà à buscà infurmazione stendu à sente è interruchendu a ghjente, ma dinù e cumpetenze linguistiche postu chì u percorsu serà puntellatu d'esercizii di lessicu è di gramatica, u tuttu per risolve un'enigma finale.

Seranu scumpartuti in parechje squadre, a prima chì trova a risposta à l'enigma vince.

In fine feranu una ristituzione via creazione : un piattu di ghjocu in cullaburazione cù u FabLab per u percorsu ecunomicu è una canzunetta in cullaburazione cù Titò Limongi per u percorsu storicu.

• Festa di a lingua 2022